ئاژانسا خانی، تایبەت
دەمێ دو رۆژانە بھایێ ئاری ل بازاڕێن ھەرێما کوردستانێ بەرەف بلندبوونێ یە و رێڤەبەرێ گشتیێ بازرگانی ژی ئاشکراکر، ھەموو بزاڤەکێ دێ کەین بھایێ نانی بلند نەبیت و گۆت: نێزیک دێ ئارێ نافخۆ کەڤیتە بازاڕی.
نەوزاد کامل، رێڤەبەرێ گشتیێ بازرگانی بۆ ئاژانسا خانی دیارکر” بلندبوونا بھایێ ئاری ل بازاڕێن ھەرێما کوردستانێ دو ئەگەر ھەنە، یا ئێکێ بھایێ گەنمی ل بازاڕێن جیھانێ بلندبوویە، ئەگەرێ دویێ ژی بۆ وێ چەندێ ڤەدگەڕیت ل دو ھەیڤێن بۆری دا ئارێ ھەیڤانە ب کولێتیەکا باش ھاتیە بەلاڤکرن و خەلکی ئار نەفرۆتیە بازاڕی، ئەڤ ھەردو ئەگەرەنە بھایێ ئاری بلندكری، بەلێ ئەم یێ بزاڤان دکەین بازاڕی کۆنتڕۆل بکەین.
