سه‌یدۆ چه‌تۆ، به‌رپرسێ نڤیسینگه‌ها هه‌لژارتنان ل لقا 17 یا پارتی دیموكراتی كوردستان ل شنگالێ بۆ ئاژانسا خانی ل دۆر ده‌نگۆیێ هه‌بوونا كاندیدێن په‌كه‌كێ ل شنگالێ بۆ هه‌لبژارتنێن ئیراقێ دا گۆت: ل گۆر قانوون و رێكارێن هه‌لبژارتنێن ئیراقێ په‌كه‌كێ نابیت هیچ كاندیدێن خوه د هه‌لبژارتنێن ئیراقێ دا هه‌بن، لێ ل شنگالێ كورسییه‌كا كۆتا بۆ ئێزدییان هه‌یه و چه‌ندین ئالیێن سه‌ربه‌خۆ خوه به‌ربژاركرینه، دبیت ئه‌و پارتێن خوه ب سه‌ربه‌خۆ ل شنگالێ دیاردكه‌ن دبن سیبه‌را په‌كه‌كێ دا بن و ب فه‌رمی و ل گۆر یاسایێ دێ خوه به‌ربژاركه‌ن و ئه‌ڤه واقعی شنگالێ یه.
سه‌یدۆ چه‌تۆ ل دۆر ئاگاهیێن پارتی ل دۆر هه‌بوونا وان كاندیدان ژی گۆت: پارتی ئاگاهی ژ وێ یه‌كێ هه‌یه و د نها دا نكاریت چ بكه‌ت ژ به‌ركو ره‌وشا شنگالێ ئالۆزه و وان ئالییان ل ژێر ناڤێ سه‌ربه‌خۆ خوه به‌ربژاركرینه، لێ پارتی دێ ده‌نگێن باش ل شنگالێ ئینیت.
به‌ریا نها رۆژناما ئه‌لعه‌ره‌بی جه‌دید راگه‌هاندبوو، په‌كه‌كێ خوه ب رێكا شنگالێ كێشایه دناڤا هه‌لبژارتنێن ئیراقێ دا و كاندیدێن خوه ژی هه‌نه و ئه‌و كاندید ئێزدی نه.
