وه‌لاتێ ئیسرائیلێ راگه‌هاند؛ قورچا سێیێ یا ڤاكسینێ فایزه‌ر به‌رگریێ بۆ دانعه‌مران زێده‌دكه‌ت.
داتایێن ده‌ستپێكی ل وه‌لاتێ ئیسرائیلێ دیاركرییه، قورچا سێیێ یا ڤاكسینێ فایزه‌ر به‌رگریێ بۆ كه‌سێن ژیێ وان ژ 60 سالیێ و سه‌ردا زێده دكه‌ت، د پلانا ویلایه‌تێن ئێكگرتی یێن ئه‌مریكا دایه قورچا سێیێ بۆ به‌رهنگاربوونا ڤایرۆسێ ده‌لتا بده‌نه وه‌لاتییان.
ئیسرائیل ئێك ژ وه‌لاتێن ئێكێ بوو ل جیهانێ كو ل مه‌ها بووری ده‌ست ب دانانا قورچا سێیێ كری بۆ وان دانعه‌مرێن هه‌ردو قورچێن ڤاكسینی وه‌رگرتین.
پشتی هژماره‌كا مه‌زن یا دانعه‌مران قورچا سێیێ وه‌رگرتین، ئه‌و تووشبوویێن ره‌وشا وان نه‌یا جێگیر هژمارا وان كێمبوویه.
ل گۆر داتایێن سه‌نته‌رێ ماكابی یێ ساخله‌میێ كو ئێك ژ مه‌زنترین سه‌نته‌رێن ساخله‌میێ ل ئیسرائیلێ، قورچا سیێ یا ڤاكسینێ فایزه‌ر، رێژا هه‌ودانا سیهان بۆ دانعه‌مران ب رێژا 86% كێم كرییه و ئه‌و تووشبوویێن ره‌وشا وان خراب ب رێژا 92% باشتر بووینه.
