وەزیرێ کارەبا هه‌رێمێ: پێدانا کارەبێ ب کەرتێ تایبەت د به‌رژه‌وه‌ندییا هەموویان دایه‌

وەزیرێ کارەبا حکومەتا هەرێما کوردستانێ راگەهاند، پێدانا کارەبێ ب کەرتێ تایبەت د به‌رژه‌وه‌ندییا هەموویان دایه‌ و ده‌مژمێرێن كاره‌بێ ژى دێ زێده‌كه‌ین.

کەمال محەمەد، وەزیرێ کارەبا حکومەتا هەرێما کوردستانێ راگه‌هاند، بریار هاتییه‌ دان كو كاره‌بێ ب ده‌نه‌ كه‌رتێ تایبه‌ت، ئه‌ڤه‌ ژى ژبه‌ر هندێ كو بابه‌ته‌كێ هه‌ستیاره‌ و ساله‌ك و دو هه‌یڤه‌ كار ل سه‌ر ڤى پرۆژه‌ى دهێته‌ كرن.

ژ مفایێن پێدانا كاره‌بێ ب كه‌رتێ تایبه‌ت، وه‌زیرێ كاره‌بێ ئاماژه‌ دا، مفایێن پێدانا كاره‌بێ ب كه‌رتێ تایبه‌ت ئه‌وه‌ كو ئه‌و كاره‌با به‌رزه‌ دبیت دێ بۆ وه‌لاتییان ڤه‌گه‌ریته‌ ڤه‌،ئه‌ڤه‌ ژى دێ ده‌مژمێرێن كاره‌بێ زێده‌ كه‌ت و ده‌مژمێرێن مووه‌لیدان كێم كه‌ت و چه‌ندین كارمه‌ندێن مه‌ كو 70% ل گه‌ل ئه‌وان كار دكه‌ن مووچێ وان ژى كه‌رتێ تایبه‌ت دێ ده‌ت.

گۆتى ژى، پرۆژه‌ د به‌رژه‌وه‌ندییا هه‌موویاندایه‌ و یا گرنگ ژى ئه‌وه‌ كو د خزمه‌تا وه‌لاتییان دابیت.