ھەلبژارتنێن ڤێجارێ بۆ شیعان دێ د ئێكلاكه‌ر بن

ئاژانسا خانی، تایبه‌ت:

ھاوڕێ تۆفیق، شارەزایێ ھەلبژارتنان بۆ ئاژانسا خانی دیاركر ژ ئەگەرێ بھێزبوونا گرۆپێن خۆپێشاندەرێن عێراقێ یێن ب گروپا ھەیڤا تشرین دھێنە نیاسین، نیەتەک ھەیە بۆ پاشخستنا ھەلبژارتنێن عێراقێ، چونکە ئەو گرۆپ پشتی خۆنیشاندانێن عێراقێ پەیدابووینە و ھەڤڕکێن دژوارێن ھێزێن عێراقێ نە د ھەلبژارتنێن ڤێجارێ دا، بەلێ ئەو گرۆپ ھاتیە ترساندن و ھندەک ژ وانژی ھاتینە کوشتن، نوکە ئەو گرۆپ دخوازن ھەلبژارتن بھێنە بایکۆت کرن.

ھاوڕێ تۆفیق ئەو یەکژی ئاشکراکر” ھەلبژارتنێن ڤێ جارێ دێ بۆ ھێزێن شیعی ل عێراقێ د ئێكلاكه‌ر بن، چونکە بۆ جارا ئێكێ یە د ناڤا مالا شیعی ئۆپۆزسیۆن پەیدا دبیت، ئەڤەژی رامانا وێ ئێكێ یه‌ بۆ ھێزێن شیعە دێ زێدەتر یا گرنگ بیت.