پلاسخارت: هنده‌ك لایه‌نان دڤێت هه‌لبژارتنێن عێراقێ شكه‌ستنێ بینیت

جینین پلاسخارت بەرپرسا هنارتیێ تایبەتێ نەتەوێن ئێكگرتى ل عێراقێ راگەهاند، هنده‌ك لایه‌نان دڤێت هه‌لبژارتنێن عێراقێ شكه‌ستنێ بینیت

بەربەرپرسا هنارتیێ تایبەتێ نەتەوێن ئێكگرتى ل عێراقێ، جنین بلاسخارت، ئه‌ڤرۆ چارشه‌مبى د پێشكێشكرنا گۆتاره‌كێدا راگه‌هاند، هنده‌ك لایه‌نان دڤێت هه‌لبژارتنێن عێراقێ شكه‌ستنێ بینیت، به‌لێ ئه‌و سیاسه‌ته‌كا خرابه‌، دووپات ژى كرییه‌ كو دڤێت بزاڤێن خوه‌ رێكبێخین و هه‌لبژارتنێن پاقژ ل عێراقێ بهێنه‌ ئه‌نجام دان.

 پلاسخارتێ ئاماژه‌ دا، كو بۆ سه‌رخستنا هه‌لبژارتنان مه‌ ب ملیۆنان دۆلاران هاریكارییا عێراقێ كرییه‌، به‌لێ عێراقى د ئێكگرتى نینن د هه‌لویستێن خوه‌ دا بۆ هه‌لبژارتنان.

دووپات ژى كر، كو مه‌ داخوازا پاشخستنا هه‌لبژارتنان نه‌كرییه‌ و هه‌لبژارتنێن ئه‌ڤ جاره‌ دێ د جودا بن.
به‌رپرسا هنارتیێ تایبەتێ نەتەوێن ئێكگرتى ل عێراقێ- یۆنامى ئاماژه‌ دا، ئه‌نجام نه‌دانا هه‌لبژارتنان ل عێراقێ دێ شكه‌ستن و زیانه‌كا مه‌زن بیت.