ب رێز و سه‌ربلندی ڤه هه‌لكه‌فتا 33 سالییا قوربانیێن تاوانا دڕنده یا ئه‌نفالا به‌هدینان لبیر دئینین كو رژێما به‌عس د داوی قۆناغا ئه‌نفالان دا، پرۆسا ئه‌نفالكرنا به‌هدینان ده‌ستپێكر و ب هزاران مرۆڤێ، بێ تاوان ژ پێكهاتێن جودا هاتن شه‌هید و بێ سه‌روشوینكرن، ب سه‌دان گوند هاتن وێرانكرن و ب ده‌هان هزاران كه‌س ئاواره بوون.
مه‌سرور بارزانی دیار ژی كرییه، د ڤێ هه‌لكه‌فتا د خه‌م دا دوپات دكه‌ین كو پێدڤییه حكومه‌تا ئیراقێ قه‌ره‌بوویا كه‌سوكارێن قوربانییان بكه‌ت و بزاڤێ، وان ژ بۆ ب جینۆسایدناساندنا ئه‌نفالێ ژ ئالییێ جڤاكا ناڤده‌وله‌تی ڤه د به‌رده‌وامبین، هه‌روه‌سا حكومه‌تا هه‌رێما كوردستانێ بۆ خزمه‌تكرنا كه‌سوكارێن شه‌هیدان پابه‌ندبیت.
رێز و سه‌ربلندی بۆ گیانێ پاقژێ قوربانیێن جینۆسایدا ئه‌نفالێ و هه‌موو شه‌هیدێن كوردستانێ.
