وه‌زیرا چاندنێ: دێ به‌رهه‌مێن ناڤخوه‌یى هنێرینه‌ ژ ده‌رڤه‌ى وه‌لاتى

وه‌زیرا چاندن و ژێده‌رێن ئاڤێ ل هه‌رێما كوردستانێ، ئه‌ڤرۆ پێنجشه‌مبى 26-8-2021 راگه‌هاند، كو وه‌زاره‌ت یا خوه‌ به‌رهه‌ڤدكه‌ت بۆ هنارتنا به‌رهه‌مێن چاندنێ ژ باجان سۆركان و باجان ره‌شكان و هناران بۆ عه‌ره‌بستانا سعودیێ و ده‌وله‌تێن ئه‌ورۆپى.

وه‌زیرا چاندنێ، كه‌یفخوه‌شییا خوه‌ ده‌ربرى كو به‌رهه‌مێن ناڤخوه‌یى یێن هه‌رێما كوردستانێ دێ گه‌هنه‌ بازارێن ئه‌ورۆپى و وه‌لاتێن عه‌ره‌بى و ئه‌ڤه‌ به‌رى دوو ساله‌ ئه‌ڤ كاره‌ دهێته‌ ئه‌نجام دان. 

بێگه‌رد تاله‌بانى ئاشكرا ژى كر، بۆ رۆژانێن داهاتى ئه‌م یێن خوه‌ ئاماده‌ دكه‌ین بۆ هنارتنا به‌رهه‌مێن باجان سۆركان و باجان ره‌شكان و هناران بۆ عه‌ره‌بستانا سعودیێ و وه‌لاتێن ئه‌ورۆپى.