پەرلەمانتارەك: هه‌كه‌ ھەلبژارتن نەھێنه‌ ئه‌نجامدان دێ خۆنیشاندانێن مەزن ھێنەکرن

ئاژانسا خانی:تایبەت
ھژمارەک لایەنێن ئیراقی بزاڤێن پاخشتنا ھەلبژارتنێن ئیراقێ دکە ن بۆ ھەیڤا نیسانا داھاتی پەرلەمانتارەکێ کورد ژی ھۆشداریێ ددەت لدۆر پاشخستنا ھەلبژارتنان و دبێژیت، ئەگەر ھەلبژارتن نەھێنەکرن ئەڤسالە مەترسیا خۆنیشاندانێن مەزن ھەیە.
شێروان دوبەردانی، پەرلەمانتارێ پارتی ل بەغدا بۆ ئاژانسا خانی دیارکر” ھەلبژارتنێن بەروەخت داخوازا خۆنیشاندەرێن ھەیڤا تشرینێ بوو ل ئیراقێ و ب سەدان کوشتی و بریندار ھەبوون ل خۆنیشاندانێن ئیراقێ، داخوازا خۆنیشاندەرێن ئیراقێ ئەوبوو ھەلبژارتنێن پاقژ بھێنە ئەنجامدان ل ئیراقێ، گروپێن سەرکێشیا خۆنیشاندانێن ئیراقێ دکر خۆ بەرھەڤکرییە بۆ پشکدارییا ھەلبژارتنان و نەتەوێن ئێکگرتی ژی بڕیاردایە ھەلبژارتنێن بەروەخت ددەمێ خۆ بھێنە رێڤەبرن.
پەرلەمانتارێ پارتی ئاماژەکر” ئەگەر ھەلبژارتن بھێنە پاشخستن بۆ نیسانا سالا داھاتی ٢٠٢٢ێ ئەڤە دێ کاریگەریێن خراپ لسەر رەوشا عێراقێ ھەبن و دهێتە پێشبینی کرن ل ھندەک پارێزگەھێن باشوورى خۆنیشاندانێن مەزن بھێنە ئەنجامدان، خەلکێ خۆنیشاندەر ب ساناھی دەستا ژ داخوازیێن خۆ بەرنادەت.
شێروان دوبەردانی گۆت” حوکمەتا ئیراقێ نەشیایە ئیدارەیا خەلکێ ئیراقێ بکەت و گەندەلیەکا مەزن ئیراق ڤەگرتییه‌ و ھندەک لایەنێن ناڤا حوکمەتێ نەشیاینە وەک پێدڤی خزمەتا خەلکی بکەن و نوکە ژی داخوازا پاشخستنا ھەلبژارتنان دکەن، بەلێ مەترسیێن پاشخستنا ھەلبژارتنان دێ دیاربن.