ئیراقێ تیمه‌ك ژ بۆ چاڤدێریا سه‌خته‌كارییا كڕین و فرۆتنا كارتێن ده‌نگدانێ پێكئینا

جڤاتا بلندا دادوه‌ری یا ئیراقێ تیمه‌ك ژ بۆ چاڤدێریا سه‌خته‌كاریێن كرین و فرۆتنا كارتێن ده‌نگدانێ پێكئینا و هژماره‌كا تاوانباران ژی ده‌سته‌سه‌ركرن

جڤاتا بلندا دادوه‌رییا ئیراقێ ئه‌ڤرۆ د به‌یانه‌كێ دا راگه‌هاند؛ تیمه‌ك ژ بۆ چاڤدێریكرنا سه‌خته‌كاریێن هه‌لبژارتنان و كرین و فرۆتنا كارتێن ده‌نگدانێ پێكئینایه‌ و تیم ژ  هژماره‌كا دادوه‌رێن ڤه‌كۆله‌ر پێكدهێت و ب هاریكاریا هێزین ئێمناهیێ دێ  چاڤدێریێ كه‌ن و لژنێ ده‌ست ب كارێ خوه‌ كریه‌، هه‌ژماره‌كا تاوانباران ژی ده‌سته‌سه‌ركرینه‌ و ڤه‌كۆلین د به‌رده‌وامن .

جڤاتا بلندا دادوه‌رى یا ئیراقێ به‌ربژارێن هه‌لبژارتنان ژی ئاگه‌هدار كرینه‌، هه‌ركه‌سێ هزرا  بكارئینانا رێكا نه‌قانوونى بۆ كۆمكرنا ده‌نگان بكه‌ت ، دێ توندترین رێكارێن قانوونى ل به‌رامبه‌ر هێنه‌ كرن.