ڤایرۆسه‌كێ نوو ل هندێ به‌لاڤبوو

ڤایرۆسه‌كێ دى ل هیندستانێ به‌لاڤبویه‌ و ب ده‌هان كه‌سان ژ ئه‌گه‌رێ وى ڤایرۆسى گیانێ خوه‌ ژ ده‌ستداینه‌، ڤایرۆس ب رێكا  مێشومۆران  بۆ مرۆڤى دهێته‌ ڤه‌گوهاستن.

ئۆمێد موهان پراساد، جێگرێ رێڤه‌به‌رێ گشتى ل ساخله‌میا ویلایه‌تا پرادیش ل هندستانێ ئاشكه‌را كر، ڤایرۆسه‌كێ نوو ل وێ ده‌ڤه‌رێ به‌لاڤبوویه‌ كو ژ مێشومۆران بۆ مرۆڤان دهێته‌ ڤه‌گوهاستن و تا نها 70 كه‌س تووشبووینه‌، ژوان 12 زارۆكان گیانێ خوه‌ ژده‌ستداینه‌.

لدوڤ زانیاریێن ساخله‌میێ، نیشانێن ل سه‌ر تووشبوویێن ڤى جورێ ڤایرۆسى ده‌ردكه‌ڤن ژی: بلندبوونا پلا گه‌رمێ، هشكبوونا گه‌وریێ، سه‌رئێشان، ئێشانا زه‌فله‌كان و دلڕابوونه و تا نۆكه‌  چاره‌سه‌ری بۆ تووشبوویێن ڤى جورێ ڤایرۆسى نه‌هاتییه‌ دیتن.