سەرۆکێ دەستەیا ئەرکان ل وەزارەتا پێشمەرگەى رادەگەهینیت: ههڤكارى و هاریكاریكرنا ههڤپەیمانان جهێ گرنگى پێدانێ نه و رۆژ ب رۆژ هێزێن پێشمەرگەى ب هێزتر و رێکخراوتر دبن، ئاشکرا ژى كر ، پشتى رێككهفتنا وەزارەتا پێشمەرگەى و سوپایێ عێراقێ ل سەر پێكئینانا دو لیوایێن ههڤپشك، نوكه ئامادەکاری دهێنه كرن بۆ جێبەجێکرن و ئەرکبینینا ئەوان دو لیوایان.
ل دووڤ راگههاندنهكا وەزارەتا پێشمەرگەی، فەریق جەمال محەمەد، سەرۆک ئەرکان ل وەزارەتا پێشمەرگەى دگهل کۆلۆنێڵ پاتریک دۆگلاس، شیرهتكارێ بلندێ سەنتەرێ هەماهەنگییا ئاسایشا هەرێمى یا ئەمریکا سەر ب کونسوڵخانەیێ ل هەولێرێ كۆمبوون.
د راگههاندنێدا ، ل دەستپێکا کۆبوونێ گۆتوبێژ ل سهر دواى پێنگاڤێن یەکخستنا هەیکەل و میلاکاتێن هەردو فەرماندەیێن هێزەێن پشتهڤانییا ئێك و پشتهڤانییا دوێ یا پێشمەرگه بوو.
سەرۆک ئەرکانى، راگەهاند: بزاڤێن بلهزتر هاتینه كرن و بەرەڤپێشچوونێن باش هاتینه كرن د رێکخستنا ئەوان هێزان دا.
دووپاتى ل سهر هندێ ژى كرییه، پشكهكا دییا كۆمبوونێ گوتوبێژبوون ل سهر یهكخستن و رێكخستنا هێزێن 70 و 80 بۆ سهر وهزارهتا پێشمهرگهى، كو ل پرۆژهیێن چاكسازیێ دا و ب ههڤكارییا هێزێن ههڤپهیمانان كار ل سهر هاتییه كرن.
پهیوهندیێن دناڤبهرا هێزێن پێشمهرگێ كوردستانێ و سوپایێ عێراقێ ل دهڤهرێن ژ دهرڤهى ئیدارهیا ههرێما كوردستانێ و پێنگاڤێن پێكئینانا دو لیوایێن ههڤپشك دناڤبهرا وهزارهتا بهرگیرى و وهزارهتا پێشمهرگهى، پشكهكا دییا گۆتوبێژان بوو دناڤبهرا ههردوو لایاندا بوو، سهرۆكێ ئهركان ئامادهییا وهزارهتا پێشمهرگهى نیشاندا بۆ جێبهجێكرنا ههر ئهركهكى بۆ پێكئینانا ئهوان ههردوو لیوایێن ههڤپشك، ئهڤهژى ب ئارمانجا ڤهگهراندنا ئاسایش و سهقامگیریێ و پاراستنا ئاكنجیێن دهڤهریێن كوردستانى و ئیدارهییا ههرێما كوردستانێ.
