عه‌بدولخالق بابیری وەک بەرپرسێ لقێ شێخان یێ پارتی دەستبكاربوو

ب ئامادەبوونا (جعفر ئيمينكى) ئەندامێ مەكتەبا سياسى و رێزدار (صلاح ميرانى) ب نوینەراتیا مەكتەبا رێكخستنا مەكتەبا سياسى گوهورین د پوستێ لقێ٢٠ شێخان د ناڤبەرا بەرێز (محمود ئێزدى) ئەندامێ جڤاتا سەركردايەتيا پارتى و بەرپرسێ بەرێ يێ لقێ٢٠ شێخان و (عبدالخالق بابيرى) ئەندامێ جڤاتا سەركردايەتيا پارتى و بەرپرسێ نوو يێ لقێ٢٠ شێخان ھاتە ئەنجام دان .
د پەیڤەکێ دا ب ڤێ هەلکەفتێ رێزدار (محمود ئێزدى) دیارکر کو ل هەر جهێ لێ بیت دێ هاریکار وپشتەڤانەکێ دلسوز بیت بو هەڤال (عبدالخالق بابيرى) دڤی ئەرک و بەرپرسیاریێ دا .
پاشان سوپاسیا ستاڤێ كارگێريا لقێ و ھەمى ھەڤالێن نڤيسينگەھێن لقێ و ليژنە و رێكخراوێن پارتى و بەرپرسێن بنكا و كەسايەتى و رێھ سپى و ھەمى خەلكێ دەڤەرێ ب گشتى كر یێ کو دڤی ماوەی دا پێکڤە کار کری هەروەسا سوپاسیا ئیدارا قەزاشيخان ب هەمی یەکەیێن وێ یێن کارگێری کر ل سەر پشتەڤانیا وان دماوێ بوری دا و هەروەسا سوپاسیا جەنابێ سەروك بارزانى و مەكتەبا سياسى و سەركردايەتيا پارتى کر کو دهاریکار پشتەڤانبوون دڤی ماوەی دا .
ل دوویڤ دا بەرێز (عبدالخالق بابيرى) د پەیڤەکێ دا سوپاسیا رول و ماندیبوونا هەڤال (محمود ئێزدى) کر دماوێ وان چەند سالێن کارکرنێ دا و ئاماژە کرە وێ چەندێ کو دێ یێ بەردەوام بیت ل سەر وان کارێن چاک یێن بەرێ و هەڤدەم ئاماژە کرە بەرنامە و پلانێن خو یێن کارکرنێ بۆ خزمەتکرنا خەلكێ دەڤەرێ و راگەهاند دێ هەمی شیانێن خو مەزێخم پێخەمەت كارێ پارتايەتى ل ڤێ دەڤەرێ .
ژ لایێ خو ڤە هەر ئێک ژ بەرێزان (جعفر ئيمينكى) و (صلاح ميرانى) د پەیڤێن خودا سوپاسیا بەرپرسێ بەرێ یێ لقێ٢٠ شێخان کر و پيروزباھى و داخازا سەرکەفتنێ بۆ بەرپرسێ نوی یێ لقێ٢٠ شێخان