د دیدارهكێدا رهوشا گشتى یا نهینهوا و بارێ ئاسایش و خزمهتگۆزارییان و ئابوورى و پرۆسهیا ئاڤهدانكرنێ و ئامادهكارى بۆ ههلبژارتنێن داهاتى یێن عێراقێ و پهیوهندیێن ههرێما كوردستانێ ل پارێزگهها نهینهوا هاتنه گۆتوبێژكرن، و ههردوو لا ژى د ههڤ رابوون كو پێدڤییه رهوشا شنگالێ د چارچووڤێ رێككهفتنا حكومهتا ههرێما كوردستانێ و حكومهتا فیدرالا عێراقێ، بهێته چارهسهركرن.
سهرۆك نێچيرڤان بارزانى پشتگيريیا ههرێما كوردستانێ بۆ ئهرك و پێنگاڤێن پارێزگارى و ئيدارهیا نهينهوا بۆ دابينكرنا ئارامیێ و سهقامگيریێ و چالاكيێن ئابوورى و كارێن مرۆڤى و پرۆسهیا ئاڤهدانكرنێ دهربڕى و دووپاتى كرییه كو ههرێما كوردستانێ ل گهل هندێ دایه ئاوارێن دهڤهرێ ب خواست و ب بریارا خوه بڤهگهرنهڤه مووسلێ و دهڤهرێن دى یێن نهینهوا، پشتى كو ئارامى و سهقامگیرى ل دهڤهرێن وان جێگیرببیت.
رهوشا سیاسى و ههرهشهیێن تیرۆرێ و كریارێن داعشێ ل دهڤهرێ و چهند پرسهكێن دى جهێ گرنگی پێدانا ههڤپشك، تهوهرهكێ دیێ دیدارێ بوون.
