ئه‌و داعشێ فرۆكه‌ڤانێ ئوردنى ب ساخى سۆتى دێ هێته‌ دادگه‌هـكرن

به‌ری 6 سالان دیمه‌نێن سۆتنا فرۆكه‌ڤانه‌كێ ئوردنى د قه‌فه‌سه‌كا ئاسنى دا ژلایێ تیرۆرستێن داعش ڤه‌ هاتبوو به‌لاڤكرن، چه‌كدارێ داعش یێ ئه‌و تاوانه‌ ئه‌نجامداى خوه‌ گه‌هاندبوو وه‌لاتێ سوێد و هاتییه‌ گرتن و دێ ب چه‌ند تومه‌تان هێته‌ دادگه‌هـ كرن كو ئێك ژوان تاوانا سۆتنا فرۆكه‌ڤانێ ئوردنییه‌.

ئاژانسا فرانس پرێس راگه‌هاند؛ وه‌لاتێ سوێد ئێك ژ تاوانبارێن سۆتنا فرۆكه‌ڤانێ ئوردنى موعاز كه‌ساسبه‌ ده‌سته‌سه‌ر كرییه‌ و دێ سوبه‌هه‌ چارشه‌مبێ هێته‌ دادگه‌هـكرن.

تاوانبار كه‌سه‌كێ سوێدى یه‌ بناڤێ ئوسامه‌ كه‌ریم كو تاوانباره‌ ب هێرشێن مه‌ها چریا ئێكێ یا سالا 2015 ل فره‌نسا و سۆتنا فرۆكه‌ڤانێ ئوردنى.

ئوسامه‌ كه‌ریم، ژلایێ چه‌ند ڤه‌كۆله‌رێن به‌لجیكی ڤه‌ هاتییه‌ ئاشكرا كرن ب چه‌ند تاوانێن جودا پشتى ژ سووریێ ب رێكێن نه‌ یاسایی به‌ره‌ف ئه‌ورۆپا چووى.