سەرۆك مەسعود بارزانی، ئهڤڕۆ سێشەمبى (14ی ئیلۆنا 2021) ل سەلاحەددین پێشوازی ل پاتریارک مار ئاوایێ سێیێ، پاتریارکێ نوویێ کەنیسەیا رۆژھەڵاتا ئاشووری ل جیھانێ و شاندهکێ دگهلدا کر، کو پێکھاتبوون ژ مەتران و كهسایهتیێن ئایینی یێن کەنیسەیا رۆژھەڵاتا ئاشووری.
د دیدارێدا پاتریارک مار ئاوایێ سێیێ، ئاماژە ب پەیوەندیێن مێژوویی دناڤبهرا مالباتا بارزان و کەنیسەییا رۆژھەڵاتا ئاشووری، سوپاسییا سەرۆک بارزانی کر بۆ پشتگیریی و پاراستنا پێکەڤەژیان و تەباییا دناڤبهرا پێکھاتەیێن نەتەوەیی و ئایینێن کوردستانێ.
ھەر د وێ دیدارێدا سەرۆک بارزانی پیرۆزباهی ل پاتریارک مار ئاوایێ سێیێ کر و ھیڤیا سەرکەفتنێ بۆ خواست و خۆشحاڵییا خوه ژى دەربڕی کو د دهمێ بوریدا کورسییا پارتریارکێ کەنیسەییا رۆژھەڵاتا ئاشووری بۆ باژێرێ ھەولێر هاتییه ڤهگۆهاستن، جەخت ژى كر کو کوردستان وهڵاتێ پێکەڤەژیان و تەبایێ یه دناڤبهرا پێکھاتاندا و ئەو پێکەڤەژیانە ژى پێدڤییه بهێته پاراستن و دەوڵەمەندتر لێبهێن.
