سهرۆكاتییا ههرێما كوردستانێ راگههاندییه؛ ئهڤرۆ پێشنیڤرۆ نێچیرڤان بارزانی، سهرۆكێ ههرێما كوردستانێ ل لهندهن ژ ئالیێ بۆریس جۆنسن، سهرۆكوهزیرێن بریتانیا ڤه ل ئۆفیسا وی ب گهرمی هاته پێشوازیكرن، د كۆمبوونهكا دۆستانه دا جۆنسن دوپاتكر پهیوهندیێن بریتانیا و كوردستانێ د دیرۆكی نه و پێدڤییه باشتر بكهن ب تایبهت د وارێ ئابوری دا و ئهڤه ژی دێ بیته دهرفهتهك سهرهدانێن ههردو ئالییان پتر لێ بهێن.
ژ ئالییێ خوهڤه نێچیرڤان بارزانی سهرهدانا خوه ب گرنگ و ب باشتركرنا پهیوهندییان ل قهلهم دا و سوپاسییا سهرۆكوهزیر، حكومهتا بریتانیا و ههڤپهیمانێن خوه كر بۆ پشتهڤانییا سیاسی، سهربازی و مرۆڤی ل ئیراق و ههرێما كوردستانێ و خواست ههموو بوارێن هاریكارییێ یێن بریتانیا بۆ كوردستانێ خورتتر ببن بتایبهت د وارێ ئابوری و وهبهرهێنانێ دا.
نێچیرڤان بارزانی ل دۆر پهیوهندیێن ههولێر و بهغدا و كێشهیێن ههلاویستی ئاماژه ب ههبوونا ژینگهههكا ئهرێنی د گهل حكومهتا فیدرالا ئیراقێ كر و دوپاتكر، ههرێما كوردستانێ یا ئامادهیه ههمو كێشهیان ل سهر بنهمایێ دهستووری چارهبكهت.
رهوشا ڤایرۆسێ كۆرۆنا، شهڕێ تیرۆرێ، و مهترسیێن سهرهلدانا داعشێ كو تا نها گهفهكا راستهراسته و پهیوهندیێن ههرێم و ئیراقێ ل گهل وهلاتێن جیران، رهوشا ئاواره و پهنابهران ل ههرێمێ، پێشهاتهیێن ئهفغانستانێ و چهندین تهوهرێن دی یێن كۆمبوونێ بوون.
