وه‌زاره‌تا به‌رگرییا ئیراقێ راگه‌هاند، ئۆپه‌راسیونه‌كا هه‌ڤپشك دناڤبه‌را هێزێن سۆپایێ ئیراقێ و هێزێن پێشمه‌رگه‌یدا ده‌ستپێكر بۆ رێگریكرن ژ لڤینێن تیرۆرستێن داعش ل وان ده‌ڤه‌رێن هێزێن ئێمناهى نه‌بن .
ل دووڤ راگه‌هاندنا فەرماندا ئۆپەراسیۆنا هه‌ڤپشك یا سەر ب وەزارەتا بەرگرییا ئیراقێ، ئه‌ڤ چالاكییه د چارچوڤێ هه‌ماهه‌نگى و كارێ هه‌ڤپشك بۆ به‌رهنگاربوونا تیرۆرستێن داعشێ یه، كار دێ لسه‌ر هندێ هێته‌كرن ئه‌و ده‌ڤه‌ر ب رێكا ڤان هێزان یێن سه‌ر ب حكومه‌تا فیدرال تژى بكه‌ن.
ئه‌و بۆشاییا ئێمناهى كو دناڤبه‌را هێزێن سوپایێ ئیراقێ و هێزێن پێشمه‌رگه‌یدا هه‌ی ل سنوورێ سووریا ل پارێزگه‌ها نه‌ینه‌وا ده‌ستپێدكه‌ت و ل پارێزگه‌هێن سه‌لاحه‌دین و كه‌ركووك ده‌ربازدبیت تا دگه‌هیته دیاله لسه‌ر سنوورێ ئیران.
