<h3 style="text-align: justify;"><span style="font-size: 18pt;"><strong> </strong>د.على ته‌ته‌ر پارێزگارێ دهوكێ، ئه‌ڤرو پشتى نیڤرو 18-9-2021 ل كوچكا مێهڤانداریا پێشوازی ل (عادل مسته‌فا كامل كوردى) بالیوزێ عیراقا فیدرال ل ئیسپانیا كر.</span> <span style="font-size: 18pt;">دهه‌ڤدیتنه‌كێدا ب ئاماده‌بوونا سه‌رمایده‌دار عه‌بدولره‌حمان دوسكى به‌حسێ په‌یوه‌ندیێن عیراقێ وهه‌رێما كوردستانێ دگه‌ل وه‌لاتێ ئیسپانیا دبیاڤێ بازرگانى وچاندنێ وپیشه‌سازى وگه‌شتیارى وكلتورى و زانستى دا ب گشتى هاته كرن.</span> <span style="font-size: 18pt;">دته‌وه‌ره‌كێ دى دا به‌حسێ گرێدانا كونفرانسه‌كێ ئابوورى وبازرگانى دناڤبه‌را كومپانى وبازرگان وسه‌رمایدارێن كوردستانێ وعیراقێ ویێن وه‌لاتێ ئیسپانیا كو بریاره ل دووماهیكا ئه‌ڤ ساله ل مه‌دریدا پایته‌خت ل وه‌لاتێ ئیسپانیا بهێته ئه‌نجامدان هاته كرن، هه‌روه‌سا به‌حسێ هه‌ولدانێن دهێنه كرن ژبۆ دروستكرنا رێكه‌فتنه‌كێ كو (دهۆك ومه‌درید) ببنه ده‌سته‌خویشك كو هه‌ردوو لایه‌ن مفایى ژسه‌ربورا هه‌ڤدوو ببین دهه‌موو واره‌كیدا ب تایبه‌تى بیاڤێ ئابوورى وبازرگانى وزانستى وگه‌شتیارى</span> <span style="font-size: 18pt;">پارێزگارێ دهۆكێ خوشحالیا خوه ب هاتنا شاندى وپێشنیارا ئه‌نجامدانا گونگرێ ئابوورى وبازرگانى ل ئیسپانیا دیاركر، هه‌روه‌سا خوشحالییا خوه ل دۆر بزاڤێن دهێنه كرن كو دهۆك ومه‌درید ببنه ده‌سته خویشك نیشاندا وپشته‌ڤانییا پارێزگه‌هێ دیاركر بۆ هه‌ر هاریكارى وئاسانكاریه‌كێ، بۆ وێ یه‌كێ ئه‌نجامێن ئه‌رنى ژهه‌ردوو پێشنیارا بهێنه دیتن.</span></h3>
