یاریزانێن زاخۆ گه‌ڤ ل یانێ كرینه‌ هه‌كه‌ پارێن خوه‌ وه‌رنه‌گرن ئه‌و پشكدارى یاریێ نابن

ئاژانسا خانى: تایبه‌ت
چاڤه‌رێ دهێته‌كرن سوباهى یانا زاخۆ ل یاریگه‌ها خوه‌ مێڤانداریا یانا نه‌وروز بكه‌ت ژ چارچوڤێ یاریێن گه‌را ئێكێ ژ خۆلا پلا نایاب یا عیراقێ .
ژێده‌ره‌كێ نێزیك ژ یانا زاخۆ بۆ ئاژانسا خانى دیاركر یاریزانێن تیما زاخۆ یێن پشكدار دخۆلا عیراقێ دا مانگگرتن كرییه‌ و گه‌ڤێن نه‌ پشكداریا یاریا سوباهى ل كارگێریا یانا زاخۆ كرینه‌ هه‌كه‌ سوباهى ئه‌و پشكا خوه‌ یا ئێكێ ژ هه‌ڤبه‌ستێن خوه‌ وه‌رنه‌گرن ئه‌و پشكداریێ د یاریا سوباهى یا به‌رامبه‌ر نه‌وروز دا ناكه‌ن ژبه‌ركو ب رێژه‌یا هه‌ره‌ مه‌زن یاریزانێن تیمێ مافێن خوه‌ هه‌تا نوكه‌ ژ یانێ وه‌رنه‌گرتى نه‌ .
هه‌ردیسان ناڤبرى دیاركر ژى چاڤه‌رێ دهاته‌كرن كارگێریا یانێ ل دوو رۆژێن بورى پشكا ئێكێ ژ هه‌ڤبه‌ستا ئه‌وان یاریزانان دابایێ لێ ژبه‌ر ره‌وشا دارایى یا یانێ ئه‌و نه‌شیان ئه‌و كوژمێ بۆ ئه‌وان یاریزانان په‌یدابكه‌ن و ماوێ د رۆژه‌ ئاریشه‌یێن به‌رده‌وام ل ناڤا تیمێ دا هه‌نه‌ و هه‌كه‌ ره‌وش ب ڤى چه‌ندێ بیت دبیت ل وه‌رزێ ئه‌ڤ ساله‌ زاخۆ تووشى گه‌له‌ك ئاریشان ببیت هه‌تا دووماهیا خولێ .