ئاژانسا خانى:
ب فه‌رمى ئه‌ڤرۆ ده‌رگه‌هێ ڤه‌گوهاستنێن یاریزانان ل خۆلا عیراقێ هاتنه گرتن كو هژماره‌كا مه‌زن یا یانێن پشكدار دخۆلا عیراقێ ل سه‌ر ئاستێ خۆلا پلا نایاب و پلا ئێك هه‌ڤبه‌ست ل گه‌ل یاریزانێن پیشه‌كار ئیمزاكرییه كو مافێ هه‌ر یانه‌كێ هه‌بوو ل وه‌رزێ ئه‌ڤ ساله هه‌ڤبه‌ستێ ل گه‌ل شه‌ش یاریزانێن پیشه‌كار ئیمزا بكه‌ن.
كارگێریا یانا دهۆك به‌رى نوكه دیاركربوو ئه‌و بزاڤێ دكه‌ن هه‌ڤبه‌ستێ ل گه‌ل چار یاریزانێن پیشه‌كار ئیمزا بكه‌ن كو جه‌ماوه‌رێ یانێ چاڤه‌رێ ئه‌وان یاریزانان بوو لێ ل گه‌ل دووماهیى هاتنا ده‌رگه‌هێ ڤه‌گوهاستنێن هاڤینێ جه‌ماوه‌رێ یانێ بێ ئومێد بوو ژ یاریزانێن پیشه‌كار بتنێ كارگێرى و ستافێ راهێنه‌ریا یانا دهۆك دێ پشت به‌ستنێ ل سه‌ر ئه‌وان یاریزانێن نافخوه‌یى و باژێرێن باشور و به‌غدا عیراقێ كه‌ن بۆ پشكدارى كرنێ دخۆلا پلا ئێك یا عیراقێ دا .
هه‌ژى گوتنێ یه یانا دهۆك دێ پشكدارى دخۆلا پلا ئێك یا عیراقێ بیت ل وه‌رزێ ئه‌ڤ ساله كو بریاره یاریێن خۆلێ ل مه‌ها بهێت ده‌ستپێبكه‌ن.
