پارێزگارێ دهۆكێ د رێوره‌سمێ راگه‌هاندنا ئیدارا سه‌ربه‌خۆ یا زاخۆ راگه‌هاند ، سه‌ره‌دانا مه‌سرور بارزانی، سه‌رۆكێ حكومه‌تا هه‌رێما كوردستانێ بۆ پارێزگه‌ها دهۆكێ ب ده‌سته‌كێ تژى بوو، چه‌ندین پرۆژێن خزمه‌تگۆزارى پێشكێشى ناڤچێ كرن.
د.على ته‌ته‌ر، پارێزگارێ دهۆكێ د رێوره‌سمێدا راگه‌هاند: ئه‌ڤ پێنگاڤا حكومه‌تا هه‌رێمێ، باشترین خزمه‌تا كابینا نه‌هێ یا حكومه‌تا هه‌رێما كوردستانێیه، ئه‌ڤه دبیته ده‌رفه‌ته‌كا باش و كارساناهى بۆ جێبه‌جێكرنا پرۆژێن خزمه‌تگوزاری.
د.على ته‌ته‌ر گۆت: ئیدارا سه‌ربه‌خۆ یا زاخۆ ژ دوو قه‌زا و 3 ناحیا پێكدهێت، هه‌ژمارا ئاكنجییان 302 هزار كه‌سن، رووبه‌رێ وێ 1209 كیلۆمه‌ترێن چارگۆشه‌یه، 187 گوند و 7 كۆمه‌لگه‌هان بخوه‌ڤه‌دگریت، 54 فه‌رمانگه‌هێن حكومی هه‌نه و هه‌ژمارا فه‌رمانبه‌ران 1455 كه‌سن.
سه‌ره‌دانا سه‌رۆكێ حكومه‌تا هه‌رێما كوردستانێ سالا بوورى بۆ ئیدارا سه‌ربه‌خۆ یا زاخۆ، كۆژمێ زێده‌تر ژ 66 ملیار دینار و 110 پرۆژێن خزمه‌تگوزاری پێشكێش كربوون و د ئه‌ڤ ساله دا 36 پرۆژه.
