سه‌رۆكێ هه‌رێما كوردستانێ ب هه‌لكه‌فتا 51 سالیا دامه‌زراندنا ئێكه‌تیا زانایێن ئایینێ ئیسلامێ ل كوردستانێ ب گه‌رمى پیرۆزباهى ل ئێكه‌تیا زانایان و هه‌موو ئه‌ندامێن و مامۆستایێن ئایینێ ئیسلامێ ل كوردستانێ كرن و داخوازا ته‌مه‌ن درێژی و سه‌ركه‌فتنێ بۆ خواست.
نێچیرڤان بارزانى سه‌رۆكێ هه‌رێما كوردستانێ ئاماژه ب رۆل و كارتێكرنا ئێكه‌تیا زانایێن ئایینێ ئیسلامێ ل كوردستانێ و گرنگیدان ب گیانێ نیشتیمان په‌روه‌رى و به‌رهنگاربوونا سته‌م و به‌رگریكرن ژ مافێن ماموستایێن ئایینى بلند نرخاند، و پشته‌ڤانییا خوه بۆ باشتركرنا ژیارا وان دیاركر.
نێچیرڤان بارزانى گوت ژى: ئێكه‌تیا زانایێن ئایینێ ئیسلامێ ل كوردستانێ و مامۆستایێن ئایینى و پێگه‌هێ وان د كومه‌لگه‌هێدا، رۆله‌كێ چالاك د پاراستن و به‌لاڤكرنا ئارامى و گیانێ لێبوورینێ و ئێكدو قه‌بوولكرن و ره‌تكرنا توندوتیژى و به‌رهنگاربوونا توندره‌ویی هه‌یه، ب ڤێ هه‌لكه‌فتێ دوپاتییێ ل گرنگى و رۆل و كارتێكرنێ ل بهێزكرنا پێكڤه‌ژیانا ئاشتییانه ل هه‌رێما كوردستانێ دكه‌ین.
