نێچیرڤان بارزانى، سەرۆکێ هەرێما کوردستانێ، پێشوازى ل جەنەراڵ کیس فلپس، بەرپرسى بلندێ سەربازى و بەرپرسى نڤێسینگهها هاریکارییا ئێمناهییا ئەمریکى ل عیراق و شاندهكێ سەربازى و دیپلۆماسیى یێ د گهلدا كر.
د كۆمبوونێدا داوى پێشهاتێن ئێمناهیێ و سهربازى ل عێراقێ و بههنگاربوونا تیرۆرێ و بزاڤ كریاریێن داعشێ ل عێراقێ و سوریێ و رهوشا دهشتا نهینهوا و شنگالێ، و چاكسازیێن وهزارهتا پێشمهرگهى و ههڤكارى و ههماههنگییا دناڤبهرا پێشمهرگهى و سوپایێ عێراقێ و هێزێن ههڤپهیمانان و ئارمانجكرنا هێزێن ههڤپهیمانان ل ههولێرێ هاتنه گۆتوبێژكرن.
سەرۆک نێچیرڤان بارزانى دووپاتى كرییه كو تێكشكاندنا داعشێ بۆ ئارامى و سهقامگیرییا عێراقێ و دهڤهرێ یا گرنگه و سوپاسییا ههڤكارى و پشتگیرییا ئهمریكا و ههڤپهیمانێن نیڤدهولهتى ل عێراقێ و ههرێما كوردستانێ كر.
ژلایێ خوه ڤه جەنەراڵ فلپس بهحسێ گوهورینا ئهركێن هێزێن ئهمریكا د چوارچووڤهیێ دیالۆكا عێراق و ئهمریكا كر و دووپاتى ل ههڤكارى و ههماههنگیێ بۆ پشت راستبوونێ ژ تێكشكاندنا ئێكجارییا داعشێ كرهڤه، ههروهسا راگههاند كو ئهوان ب گرنگى ڤه پرۆسهیا چاكسازیێ د وهزارهتا پێشمهرگهى وهرگرتییه و ئهو دێ د هاریكار بن.
