ب ئامادهبوونا وهزیرێ نافخۆ یێ حكومهتا ههرێما كوردستانێ و ئومێد خوشناو پارێزگارێ ههولێرێ و بهرپرسێن پهیوهندیدار ل وهزارهتا نافخۆ یا حكومهتا ههرێما كوردستانێ، بهرێ بنیاتى بۆ پرۆژێ سهنتهرێ توماركرنا ئاواره و پهنابهران ل ههولێرێ هاتهدانان.
رێبهر ئهحمهد، وهزیرێ نافخۆ یێ حكومهتا ههرێما كوردستانێ راگههاند، ل سالا 2014 دو ملیۆن ئاوارێن عیراق و سووریا هاتینه ههرێما كوردستانێ، و ژوان ئێك ملیۆن پهنابهر تا نوكه ماینه كوردستانێ و نهشێن ژبهر بارودۆخێ ئێمناهیێ ڤهگهرنه دهڤهرێن خوه.
وهزیرێ نافخۆ گوتژى، ئێك ئاواره ب تنێ ژ وان كهمپان مابیت، دهرگههێ كهمپان ناهێته گرتن، دیاركر تا نوكه 250 هزار پهنابهرێن سوورى ل ههرێما كوردستانێ دژین.
دوپاتى ل هندێ كر، پێدڤیه حكومهتا فیدرال و وهلاتێن خێرخواز و نهتهوێن ئێكگرتى، هاریكاریا ههرێما كوردستانێ بكهن ژبو هندێ ئهركێ خوه بهرمبهر ئاواره و پهنابهران بجهبینین.
