رێکخەرێ راسپاردا ناڤده‌وله‌تى ل حکومەتا هەرێمێ راگه‌هاند؛ ب ئهگهرێ شەر و ئالۆزیێن ل ناڤچێن سنووری زێده‌تر ژ 800 گوندان هاتینه چۆلكرن و بێ خزمەتگوزاری ماینه.
د.دیندار زێباری، رێکخەرێ راسپاردا ناڤده‌وله‌تى ل حکومەتا هەرێمێ راگه‌هاند؛ ژ مه‌ها 1 هه‌تا 8ی ئه‌ڤ ساله، 165 هێرشێن ئه‌سمانی، 274 تۆپباران، و 6 هێرشێن دى هاتبوونه ئه‌نجامدان. ناڤچێن شنگال، هرورێ، دشیش، باپیرێ و بێدوهێ و گه‌له‌ك جهێن دى كرینه ئارمانج.
د.دیندار زێباری گۆت:ب ئهگهرێ ئه‌ڤان بۆردومانان چه‌ندین وه‌لاتیێن ئه‌ڤان گوندان ئاواره‌بووینه و ب ده‌هان كه‌س بووینه قوربانى.
رێکخەرێ راسپاردا ناڤده‌وله‌تى ل حکومەتا هەرێمێ داخوازكر ئه‌ڤ ئالۆزییه ل ناڤچێن سنوورى ب داوی بهێن، هه‌روه‌سا داخواز ژ وه‌لاتێن جیران كر ره‌وشا وه‌لاتیێن ل ناڤچێن سه‌ر سنوورى به‌رچاڤ بهێنه وه‌رگرتن.
