<h3 style="text-align: justify;"><span style="font-size: 18pt;">ئاژانسا خانى:</span></h3> <h3 style="text-align: justify;"><span style="font-size: 18pt;">ده‌سته‌یا كارگێریا یانا دهۆك د ماوێ بورى گه‌هشتبوو رێككه‌فتنێ ل گه‌ل پیشه‌كارێ سیرلیونى و یانا سیناعات كاره‌با یا باژێرێ به‌غدا شیكا فوفانا كو به‌رى ب دووماهى هاتنا ده‌رگه‌هێ یاریزانانێن پیشه‌كار ل سه‌ر ئاستێ خولێن عیراقێ.</span> <span style="font-size: 18pt;">فوفانا یێ 23 سالى ل وه‌رزێ بورى ل دو یانێن خۆلا عیراقێ یارى كربوو كو ده‌ستپێكێ یاریزانێ یانا نه‌فت وه‌ست بوو لێ پاش هه‌ڤبه‌ستا وى هاته هه‌لوه‌شاند و ل ڤه‌گوهاستنێن زڤستانێ هه‌ڤبه‌ستا سیناعات كاره‌با ئیمزاكر كو شیا گوله‌كێ ل گه‌ل وێ یانێ توماربكه‌ت.</span> <span style="font-size: 18pt;">هه‌ژى گوتنێ یه فوفانا 4 یاریێن نیڤدوله‌تى ل گه‌ل هه‌لبژارتیێ سیرالیون هه‌نه و د ژیێ 18 سالى دا ده‌ست ب ژیانا خوه یا پیشه‌كارى كربوو ئه‌وژى ل سالا 2016 بوو ده‌مێ به‌ر ب خولا دانیمارك ڤه چووى لێ پاش سێ مه‌هان هه‌ڤبه‌ستا وى هاته هه‌لوه‌شاندن و ل سالا 2017 هه‌ڤبه‌ستا دو یانێن چیك ئیمزاكر لێ د ماوێ شه‌ش هه‌یڤان دا هه‌ڤبه‌ستا وى ل ئه‌وان هه‌ردو یانان ژى هاته هه‌لوه‌شاندن و ل مه‌ها 10 یا سالا 2017 هه‌ڤبه‌ستا مه‌ریخ یا سودانى ئیمزاكر و پاش سێ مه‌هان هه‌ڤبه‌ستا وى ل گه‌ل وێ یانێ ژى هاته هه‌لوه‌شاندن و سالا 2018 هه‌ڤبه‌ستا یانا نه‌سر یا عومان ئیمزاكر و ل گه‌ل وێ یانێ ژى شه‌ش هه‌یڤان یارى كر و پاش سالا 2019 هه‌ڤبه‌ستا یانا مینا یا به‌سرا ئیمزاكر و پشتى كرنا چه‌ند یاریان ل گه‌ل وێ یانێ شیا دو گولان توماربكه‌ت و پاش خۆلا عیراقێ هاته هه‌لوه‌شاندن ژبه‌ر خوپێشاندانان و ل ڤه‌گوهاستنێن سالا 2020 هه‌ڤبه‌ستا یانا جندل یا سعودى دخۆلا پلا دو دا ئیمزاكر و پاش جاره‌كا دى بوو وه‌رزێ 2020-2021 ڤه‌گه‌ریا عیراقێ و یارى ل دو یانان كر ئه‌وژى قوناغا ئێكێ ل یانا نه‌فت وه‌ست پاش هه‌ڤبه‌ستا وى هاته هه‌لوه‌شاندن ژبه‌ركو نه‌شیا چ گولان پێشكێش بكه‌ت و پاش هه‌ڤبه‌ستا یانا سیناعات كاره‌با ئیمزاكر و نه‌شیا وێ یانێ قورتال بكه‌ت و بتنێ گوله‌ك بوو وێ یانێ ل یاریێن قوناغا دوێ توماركر و ئه‌و یانه پاشڤه‌زفرى خۆلا پلا ئێك یا عیراقێ.</span></h3>
