مه‌دیایێن ئه‌لمانی راگه‌هاند؛ بۆ جارا ئێكێ ژنه‌كا ره‌گه‌زێ خوه گهۆری (transgender) د هه‌لبژارتنێن په‌رله‌مانێ ئه‌لمانیا دا سه‌ركه‌فت و دێ بیته ئه‌نداما په‌رله‌مانی.
تێله‌فزیۆنا Bayerischer Rundfunk یا ئه‌لمانی ل دۆر ئه‌نجامێن ده‌ستپێكی یێن هه‌لبژارتنێن په‌رله‌مانێ ئه‌لمانیا راگه‌هاند؛ تیسا هانسیریر، ژنه‌كا ره‌گه‌ز گهۆر (Transgender) به‌ربژارا پارتا كه‌سك د هه‌لبژارتنان دا سه‌ركه‌فتییه و دێ بیته ئێكه‌مجاره د په‌رله‌مانێ ئه‌لمانیا دا ژنه‌كا ره‌گه‌ز گوهارتی ئه‌ندامه‌تییێ وه‌ربگریت كو ل بازنه‌یا باڤاریا ب رێژا 23.6% ده‌نگ ئیناینه.
تیسا هانسیریر بۆ تێله‌فزیۆنێ گۆتییه ژی: ئه‌و گه‌له‌كا بكه‌یفه ژ به‌ركو د چارسالێن بهێت دێ كاریت ئه‌و بابه‌ت و مژارێن وێ باوه‌ری پێ هه‌ی ل په‌رله‌مانی ب ئازرینیت و دێ به‌رگریێ ژ مافێن كه‌مینه‌یێن جنسی و بابه‌تێن ژینگه‌هی كه‌ت.
هانسیریر پێشتر ژی ژ سالا 2013 وه‌ره ئه‌نداما په‌رله‌مانێ هه‌رێمی بوو ل هه‌رێما باڤاریا.
