حكومه‌تا هه‌رێما كوردستانێ دێ وێستگه‌هێن سه‌قاناسیێ دانیت

 وه‌زاره‌تا ڤه‌گۆهاستن و گه‌هاندنا هه‌رێما كوردستانێ، دێ وێستگه‌هێن نوو یێن سه‌قاناسیێ ل زاخۆ دانیت

 ئانۆ جه‌وهه‌ر، وه‌زیرێ ڤه‌گۆهاستن و گه‌هاندنێ ل هه‌رێمێ، ئه‌ڤرۆ چوارشه‌مبى سه‌ره‌دانا زاخۆ كر، و دگه‌ل گوهدار شێخۆ سه‌رپه‌رشتێ ئیدارا زاخۆ كۆمبوو.

و پشتى كۆمبوونێ هه‌ردوو ئالیان پرێسكونفرانسه‌كێ هه‌ڤپشك ئه‌نجام دا و وه‌زیرى ئاماژه‌ دا كو حكومه‌تا هه‌رێمێ دێ گرنگیێ ب هه‌موو ده‌ڤه‌رێن كوردستانێ ده‌ت و ئێك ژ وان ژى زاخۆیه.‌

گۆتى ژى كو مه‌ ژماره‌كا پرۆژان ل ئیدارا زاخۆ هه‌نه‌ و ژ وان ژى رێكخستنا كارێ ترۆمبێلێن بارهه‌لگر، و ئه‌كتیفكرنا سیسته‌مێ لوگۆیێن ترۆمبێلێن كرێ و بارهه‌لگران كو هه‌موو كوردستانێ ڤه‌دگریت و ب تایبه‌ت ئه‌و ده‌ڤه‌رێن سنورىێن وه‌كى زاخۆ.

و وه‌زیرى ئاماژه‌ دا كو وه‌زاره‌ت دێ كاركه‌ت ل سه‌ر دانانا وێستگه‌هێن سه‌قاناسیێ ل ده‌ڤه‌رێ.