فه‌رماندێ گشتی یێ هێزێن سووریا دیموكرات، هه‌سه‌دێ راگه‌هاند؛ ئه‌مریكا ئه‌م پشتراستكرینه كو خوه ژ باكورێ سووریا ناڤه‌كێشیت.
مه‌زلوم كۆبانی، فه‌رماندێ گشتی یێ هه‌سه‌دێ د داخویانییه‌كێ دا بۆ رۆژناما تایمز یا بریتانی راگه‌هاند؛ پشتی ڤه‌كێشان هێزێن ئه‌مریكا ژ ئه‌فغانستانێ، ترسه‌ك د دلێ خه‌لكێ رۆژئاڤایێ كوردستانێ دا چێبوویه كو رووبرووی هه‌مان چاره‌نڤێس ببن.
فه‌رماندێ هه‌سه‌دێ گۆت ژی: به‌رپرسێن ئه‌مریكی دوپاتكرییه كو پشتی بدوماهی هاتنا داعشێ ژی ئه‌و خوه ژ ئیراق و سووریێ ناڤه‌كێشن لێ ئه‌و سۆزه به‌س نینه به‌لكو پێدڤییه ئه‌مریكا تاكو شه‌ڕێ ناڤخۆ یێ سووریا ب ئاشتییانه ئێكلا دبیت بمینیت و خوه نه‌ڤه‌كێشیت و هه‌روه‌سا ئیدارا جۆ بایدن نها ژ بڕیارێن خوه‌ڤه‌كێشانێ پاشڤه‌چوویه
مه‌زلوم كۆبانی خویا ژی كرییه، شانده‌كێ سه‌ربازی یێ ئه‌مریكا ل گه‌ل ئه‌وان كۆمبوویه و ب وان گۆتییه، سیاسه‌تا ئه‌مریكا ل سووریا ته‌مام ژ یا ئه‌فغانستانێ جودایه و ئه‌مریكا 900 سه‌ربازێن خوه ل رۆژئاڤایێ كوردستانێ بۆ هاریكاریكرنا هه‌سه‌دێ د شه‌ڕێ دژی داعشێ دا جێگیركرینه.
