نێچیرڤان بارزانى، سەرۆکێ هەرێما کوردستانێ، ئهڤرۆ پێنجشهمبى 30-9-2021 پێشوازى ل جینیفەر گاڤیتۆ، جێگرا هاریكارا وەزیرێ دهرڤه یێ ئەمریکا بۆ کاروبارێن عێراق و ئێرانێ و شاندێ دگهلدا کر.
ل دووڤ راگههاندنهكا سهرۆكایهتییا ههرێما كوردستانێ، د كۆمبوونێدا پهیوهندیێن ههرێما كوردستانێ و عێراقێ ل گهل ئهمریكا هاته گۆتوبێژكرن، خاتوون گاڤیتۆ دووپاتكرییه كو ئهمریكا ب گرنگى ڤه بهرێ خوه د دهته عێراقێ و پهیوهندیێن ئهمریكا ل گهل عێراقێ و ههرێما كوردستانێ پهیوهندیێن دۆستانه و ههڤپشك و ستراتیژیێن درێژخایهنن كو چهندین واران ب خوهڤه دگریت.
خاتوون گاڤیتۆ د وێ كۆمبوونێدا گۆتى كو سهقامگیرییا عێراقێ بۆ پاراستنا سهقامگیرییا دهڤهرێ یه، ههردوو لا ژى د ههڤ رابوون كو سهرهدان وان بۆ نیشاندانا گرنگى دانا ئهمریكا ب عێراقێ و ههرێما كوردستانێ یه، ههر ل دووڤ راگههاندنێ، جێگرا هاریكاریا وهزیرێ دهرڤهیێ ئهمریكا پابهندییا ئهمریكا ب بهردهوامییا پشتگیریێ ل چاكسازیێن وهزارهتا پێشمهرگهى و رێكخستنا هێزان كر، دووپاتكرهڤه و ئاماژه دا ئهمریكا د وارێن ئاسایش و وزه و ئابوورى، كولتوورى پهروهرده ژى دا د شێن ههڤكار و ههڤپشكا ههرێما كوردستانێ بیت.
خاتوو گاڤیتۆ، سهرهدانا كهلها ههولێرێ كر و پرۆسهیا نووژهنكرنا كهلهێ دیت، دووپات ژى كر كو دێ پشتگیرییا وهبهرهێنانا ئهمریكا ل ههرێما كوردستانێ كهین، ب تایبهت ب رێكا سازیێن دى ئێف سى یا ئهمریكى ڤه كو پشتگیریێن دارایى د دهته پرۆژێن وهبهرهێنانێ.
ل دووڤ راگههاندنا سهرۆكایهتییا ههرێما كوردستانێ نێچیرڤان بارزانی، سەرۆکێ هەرێما کوردستانێ، پیرۆزباهى ل خاتوون گاڤیتۆ بۆ دەستبکاربوونا وێ د پۆستێ نوودا کر، هەروەسا سوپاسیا بەردەوامییا پشتگیرییا ئەمریکا ل عێراقێ و هەرێما کوردستانێ کرییه و جەخت ل خواستا هەرێما کوردستانێ بۆ پێشڤهبرنا پهیوهندییان دگهل ئهمریكا و بهرفرههكرنا واریێن هاریكاریێ دناڤبهرا واندا كرییه، ههروهسا ئاماژه ب دهلیڤێن زێدهترێن كارى و سهرمایهگۆزارى و وهبهرهێنانا ئهمریكا ل عێراقێ و ههرێما كوردستانێ.
