ئاریان به‌روارى په‌یامنێرێ ئاژانسا خانى راگه‌هاند، چه‌كدارێن په‌كه‌كێ ئاریشه‌یان بۆ ده‌ستپێكرنا بانگهشهیا پارتى ل سنوورێ شنگالێ دروست دكه‌ن و بۆ ڤێ یه‌كێ ژى چه‌كدارێ وێ رێكا حه‌ردان بۆ سنوونێ داخست.
ئاریان به‌روارى گۆت ژى، سوپایێ ئیراقێ بزاڤان دكه‌ت رێكێ ڤه‌كه‌ت، لێ په‌كه‌كه ب دژوارى دژى بزاڤێن سوپایێ ئیراقێ راوه‌ستیایه و رێكێ ناده‌ت خوه نزیكى زالگه‌هێن چه‌كدارێن په‌كه‌كێ بكه‌ن.
بریاربوو ئه‌ڤرۆ لقا 17 یا پارتى ل سنورێ شنگالێ ب ئاماده‌بوونا جه‌عفه‌ر ئیمینكى ئه‌ندامێ مه‌كته‌با سیاسییا پارتى بانگهشهیا خوه یا هه‌لبژارتنان بكه‌ت، بۆ ڤێ یه‌كێ ژى ئاماده‌كارى هاتبوونه كرن، لێ په‌كه‌كێ رێكا گه‌هشتن ب سنوونێ و مه‌زارێ شه‌رفه‌دین داخستینه.
