مەسرور بارزانی پێشوازی ل میر حازم تەحسین بەگ، میرێ ئێزدییان و بابەشێخ، شێخ عەلی شێخ ئەلیاس کر

مەسرور بارزانی، سەرۆکێ حکومەتا هەرێما کوردستانێ، ئەڤڕۆ شەمبى 2- 10- 2021 پێشوازی ل میر حازم تەحسین بەگ، میرێ ئێزدییان و بابەشێخ، شێخ عەلی شێخ ئەلیاس کر. 

د دیدارەکێدا، سەرۆکێ حکومەتێ پابەندبوونا حکومەتا هەرێما کوردستانێ بۆ خزمەتکرنا زێده‌ترا ئێزدییان دووپاتكره‌ڤه‌، کو وەکى هه‌رده‌م دێ پشته‌ڤان و داکۆکیکارێن ب هێزێن مافێن وان بین، دووپاتكره‌ڤه‌ ژى كو حكومه‌تا هه‌رێمێ هه‌موو بزاڤه‌ك خستینه‌ به‌ر بۆ هه‌ڤكارى و هه‌ماهه‌نگییا حكومه‌تا فیدرالى و كومه‌لگه‌ها نێڤده‌وله‌تى، كو شنگال بهێته‌ ئاڤه‌دانكرن و ئاواره‌ ب سه‌ربه‌رزى بڤه‌گه‌رنه‌ڤه‌ ده‌ڤه‌رێن خوه‌.

میر و بابەشێخێ ئێزدییان، ئاماژە ب گرنگییا جێبەجێکرنا رێککەفتننامەیا شنگالێ و ئاساییکرنا ره‌وشا ده‌ڤه‌رێ، سوپاسییا سەرۆکێ حکومەتێ ژى کر بۆ رازه‌مه‌ندییا وى ل  سەر، کۆمه‌كا پڕۆژەیێن خزمەتگوزاری بۆ ده‌ڤه‌رێن وان، ژ وان ژى، هەردوو کۆمەڵگەهێن خانکێ و شاریا بووینه‌ ناحیە، ئه‌ڤه‌ ژى د چوارچووڤێ گۆرانكاریێن ئیداره‌یان دا ل سنوورێ پارێزگه‌ها دهۆكێ.