به‌رپرسێ پشكا په‌یوه‌ندى و راگه‌هاندنا رێڤه‌به‌رییا پۆلیسێن دهۆكێ د كۆنگره‌كێ رۆژنامه‌ڤانیدا ل سنورێ قه‌زا ئاكرێ بكۆژێن 2 تاوانێن كۆشتنێ كو دان ب تاوانا خوه كرینه راگه‌هاند.
مقدم هێمن سلێمان، به‌رپرسێ پشكا په‌یوه‌ندى و راگه‌هاندنا رێڤه‌به‌رییا پۆلیسێن پارێزگه‌ها دهۆكێ راگه‌هاند: به‌رى 3 مه‌هان ل 29 مه‌ها 6 ته‌رمه‌كێ 35 سالى هاتبوودیتن، پشتى ڤه‌كۆلینه‌كا هویر ژ ئالیێ رێڤه‌به‌رییا پۆلیسێن نه‌هێلانا گونه‌هباریا هه‌ڤژینا وى زه‌لامى دان ب تاوانا خوه كر، پلانا كوشتنێ دگه‌ل زه‌لامه‌كێ 34 سالى بۆ كۆشتنا هه‌ڤژینێ خوه دانابوو.
مقدم هێمن سلێمان گۆت، وێ ژنێ دگه‌ل زه‌لامه‌كى، هه‌ڤژینێ خوه ل نێزیك گۆندێ نێرگزین ل سنورێ ئاكرێ ب 2 گۆله‌یان كۆشتیه، ل دووڤ به‌ندێ 406 یاسایێن سزاى هه‌ردوو تاوانبار ژ ئالیێ پۆلسێن نه‌هێلانا گونه‌هباریا هاتینه گرتن.
مقدم هێمن سلێمان دیاركر: ل 19 مه‌ها 9 ژنه‌كێ خوه كۆشتبوو، ل دووڤ ڤه‌كۆلینا رێڤه‌به‌رییا پۆلیسێن نه‌هێلانا گونه‌هباریا دیاربوو هه‌ڤژینێ وێ ل ده‌مێ پاقژكرنا ده‌بانجا خوه بێده‌ستى گۆله‌یه‌ك هه‌ڤژینا وى دكه‌ڤیت.
