رێكخستنا ساخله‌مییا جیهانی راگه‌هاند؛ جیهانێ شیانێن سه‌ركه‌فتنا ب سه‌ر كۆرۆنا دا ژده‌ستدان و هێشتا قۆناغا ب مه‌ترسی یا كۆرۆنا ده‌ربازنه‌كرییه.
ماریا فان كیركوف، به‌رپرسا ته‌كنیكی د رێكخستنا ساخله‌مییا جیهانی دا راگه‌هاند؛ رێكخستنا ساخله‌مییێ ب 3.1 ملیۆن تووشبوویێن نوو ل هه‌فتییا بووری هاتییه ئاگه‌هداركرن و 54 هزار توشبوو ژی مرینه و هێشتا قۆناغا ب مه‌ترسی مه‌ده‌ربازنه‌كرییه و ئه‌م نزانین ئه‌م لكیش قۆناغێ داینه بدروستاهی، لێ نها ئه‌م وان ئاله‌تان بكارنائینین یێن كو مه نزیكی قۆناغا داویێ دكه‌ن.
گۆت ژی: دشتێ هه‌ری خراب ئه‌وه نه‌خۆشخانێن هنده‌ك ژ وه‌لاتان پرن ژ نه‌خۆشان و د سه‌ر هندێ دا خه‌لك ل جادده‌یان وه‌سا دژین هه‌چكو كۆرۆنا ب داوی هاتییه و پتریا ئه‌و كه‌سێن دمرن ژی ئه‌ون یێن نه‌هاتینه ڤاكسیندان.
دیار ژی كر، ئه‌گه‌رێ بداوی نه‌هاتنا كۆرۆنا ژی ئه‌و رێكێن خه‌لك سه‌ره‌ده‌ریێ دگه‌ل ڤایرۆسێ دكه‌ن و خویا ژی كر، ئه‌گه‌رێ ژده‌ستدانا شیانێن سه‌ركه‌فتنێ ژی ئه‌ون كو مه ڤایرۆسێ كۆرۆنا ب شێوه‌یه‌كێ جددی و بهێز وه‌رنه‌گرتینه.
