مالباتا ئهبولحهسهنێ بهنیسهدر د لێدوانهكێدا راگههاند ئهڤرۆ ل نهخۆشخانا سالپێتێریێ یا پاریسێ، پشتی ململانهكا دهمدرێژ ب نهخۆشیهكێ، وهغهرا داویێ كر.
بهنی سهدر ل سالا 1933 ل ههمهدانێ ژ دایك بوویه . ناڤبری دهرچوویێ كۆلیژا ماف و ئابووریێ ل زانكۆیا تههرانێ یه و ل سالا 1963 چوویه فرهنسا.
ناڤبری ل سالا 1980 وهك ئێكهمین سهرۆكێ كۆمارا ئیسلامی یا ئیرانێ هاته ههلبژارتن، لێ پشتی ماوهیهكی كورت دگهل پارتا كومارییا ئیسلامی (یا ئایهتوللا خۆمهینی رێبهرێ ئیرانێ) و ئێكهمین خۆلا پهرلهمانا ئیران، تووشی ئاریشه و ناكۆكیان بوو.
ب فهرمانا خۆمهینی د ههمان سالدا ل پهرلهمانێ ئیرانێ بریارا لادانا وی هاته پهسهندكرن و ب رهنگهكێ فهرمی هاته دوورخستن، پشتی دهمهكێ كورت ژ بریارێ فهرمانا دهستهسهركرنا بهنی سهدر و مهسعود رهجهوی (سهرۆكی پارتا موجاهدینێ خهلق) ژی هاته دان لێ ناڤبری شیا ب رهنگهكێ ڤهشارتی ژ ئیرانێ دهركهڤیت و دچیته فهرهنسا.
بهنی سهدر وهك كهساتیهكێ دژبهر یا كۆمارا ئیسلامی یا ئیرانێ دهاته نیاسین. ل دهمێن سهرۆككۆماریا ویدا فهرمانا شهر و داگیركرنا باژێرێن رۆژههلاتێ كوردستانێ ب رێكا سوپایا ئیرانێ هاتهدان.
Like this:
Like Loading...
