دژه‌تیرۆرا كوردستانێ بۆ وه‌لاتییان: د راگه‌هاندنا ئه‌نجامێن هه‌لبژارتنان دا ته‌قه‌یێن خۆشییێ نه‌كه‌ن

دژه‌تیرۆرا كوردستانێ ئه‌ڤرۆ د په‌یامه‌كێ دا داخواز ژ وه‌لاتییان كر، ل ده‌مێ راگه‌هاندنا ئه‌نجامێن هه‌لبژارتنان، ب چ شێوه‌ په‌نایێ نه‌به‌نه‌ به‌ر ته‌قه‌یێن خۆشییێ كو دبنه‌ ئه‌گه‌رێ دروستبوونا مه‌ترسییێ ل سه‌ر ژیانا خه‌لكی،  دیارده‌كا نه‌ شارستانی یه‌ و كاره‌ساتان ل دووڤ خوه‌ دئینیت.

دژه‌ تیرۆرێ د پشكه‌كا دی یا په‌یاما خوه‌ دا دیاركرییه‌، كا چه‌وا د بانگه‌شا هه‌لبژارتنان دا پابه‌ندبوون ب رێنمایان، هیڤییه‌ ب هه‌مان شێوه‌ پابه‌ندی رێكارێن ئێمناهییێ بن، هیڤییه‌ هه‌ر د خۆشییان دابن، لێ بۆ ده‌ربڕینا خوه‌شییێن خوه‌ رێكێن شارستانی بگرنه‌ به‌ر .

ل دوماهییا په‌یاما خوه‌ ژی دوباره‌ دوپاتكرییه‌، ب چ شێوه‌ ته‌قه‌یا خۆشییێ نه‌به‌رده‌ن ژ به‌ركو پاراستنا خه‌لكی ئه‌ركێ دژه‌ تیرۆرێ یه‌.