پشتى ئێڤاریا رۆژا ئێكشه‌مبى 10/10/2021 دو پولیسێن سوپایێ توركیا ل ده‌ڤه‌را ئه‌عزاز ل سووریا د هێرشه‌كا مۆشه‌كیدا هاتینه كوشتن و دویێن دى برینداربووین، ره‌جه‌ب ته‌یب ئه‌ردوغان، سه‌رۆككۆمارێ توركیا د گوتاره‌كێدا ئاماژه ب وێ چه‌ندێ كر سووریا هه‌ره‌شه‌یه بۆ توركیا.
ئەردۆغان ناڤێ یەپەگە و پەکەکێ ئینا و ب ره‌نگه‌كێ نه‌راسته‌وخۆ زه‌نگا ده‌ستپێكرنا ئوپه‌راسیۆنا له‌شكه‌رى بۆ سه‌ر ده‌ڤه‌رێ لێدا.
ئه‌ردوغان ئاماژه ب هندێ ژى كر، ئێدى وان ئارامى نه‌ما، ئه‌و كه‌سێن د بنه هه‌ره‌شه بۆ توركیا و ئه‌و هێزێن ل وێرێ دێ ژ ناڤبه‌ن.
ئه‌ڤه دده‌مه‌كێدایه تا نوكه یه‌كینه‌یێن پاراستنا گه‌ل (یەپەگە) ب فه‌رمى ئه‌و هێرشێن مووشه‌كى ب ستویێ خوه‌ڤه نه‌گرتى نه.
هه‌رچه‌نده توركیا راگه‌هاند بۆ، دێ وان ده‌ڤه‌ران راده‌ستى خه‌لكێ خوه كه‌ت، به‌لێ تا نوكه له‌شكه‌ر و پولیس یێ ل وان ده‌ڤه‌ران و نه‌ده‌ركه‌فتینه.
