هشیار زێبارى سهرپهرشتێ بانگهشهیا پارتى د كۆنگرهیێ رۆژنامهڤانییا لژنهیا بلندا ههلبژارتنێن پارتییا دیموكرتا كوردستانێ راگههاند، سهرهراى هندهك تێبینییان لێ ب رهنگهكێ گشتى ههلبژارتن ب رێك و پێكى هاته كرن و ههلبژارتنهكا ساخلهم و پاقژبوو، لهورا ئهو وهكو پارتى ئهنجامان قهبول دكهن.
ل دۆر زێدهبوونا كورسییێن پارتى، هشیار زێبارى راگههاند، وهكو لژنهیا بلندا ههلبژارتنان، وان وهكو ئێك تیم كاركریه، وان ل دووڤ گۆتن و رێنمایێن سهرۆك بارزانى كێم ئاخفتینه و كردارێن وان زێده ههبووینه. گۆت ژى، ستراتیژییا وان بۆ ههلبژارتنان ئهوبوو كو ئهو تووشی چ شهران نهبن ل گهل هێز و لایهنێن دى، لهورا ئهنجامێن وێ ژى باشبوو.
بێى كو ناڤێ چ لایهنهكێ بینیت، هشیار زێبارى دیاركر، ئهو سیاسهتا وان لایهنان هێرشی پارتى دكر، چ مفایهك بۆ وان نهبوو.
سهرپهرشتێ بانگهشهیا پارتى دووپاتكر، ئهو دێ ل گهل هێز و لایهنێن كوردى گۆتوبێژان كهن و ئهو دخوازن كو ل بهغدایێ ب هێز بیت.
