جڤاتا وه‌زیرێن هه‌رێما كوردستانێ، ئه‌ڤرۆ رۆژا چارشه‌مبى دێ كۆمبوونا خوه یا حه‌فتیانه ب سه‌رۆكاتییا مه‌سرور بارزانى ئه‌نجامده‌ت.
ژ گرنگترین ته‌وه‌رێن دێ هێنه باسكرن:
ئێك: په‌یاما جڤاتا وه‌زیران ب هه‌لكه‌فتا دووماهى هاتنا پرۆسا ده‌نگدانێ بۆ جڤاتا نوونه‌رێن ئیراقێ و سۆپاسیكرنا وه‌لاتیێن هه‌رێما كوردستانێ و ده‌ڤه‌رێن كوردستانى یێن ده‌رڤه‌ى ئیدارا هه‌رێمێ بۆ پشكدارییا وان د وێ پرۆسێدا.
دوو: به‌رچاڤكرنا راپۆرتا وه‌زاره‌تا سامانێن سرۆشتى یا تایبه‌ت بجهئینانا بریارا جڤاتا وه‌زیران بۆ دابینكرنا گازا سپى و پانزینێ ب هه‌ماهه‌نگى دگه‌ل وه‌زاره‌تا په‌ترۆلا ئیراقێ.
سێ: به‌رچاڤكرنا راپۆرتا فه‌رمانگه‌ها هه‌ماهه‌نگى و دووڤچوونێ سه‌باره‌ت ب ئاسته‌نگێن ل به‌رامبه‌ر بجهئینانا بریارێن جڤاتا وه‌زیران یێن تایبه‌ت ب چاكسازى و رێكخستا باجێ ل هه‌رێما كوردستانێ.
چار: به‌رچاڤكرنا پێشنیارا راسپاردنا هه‌ر ئێك ژ وه‌زیرێ داد، وه‌زیرێ هه‌رێمێ بۆ كارۆبارێن په‌رله‌مانى و سكرتێرێ جڤاتا وه‌زیران بۆ دووڤچوونێ ل سه‌ر وان داخوازیێن یاسایى یێن كو ل دادگه‌ها بلند یا فیدرال و په‌یوه‌ندى ب هه‌رێما كوردستانێڤه هه‌ی و ئاگه‌هداركرنا جڤاتا وه‌زیران ل سه‌ر وان ئاسته‌نگێن به‌رامبه‌ر وان داخوازییان.
