سەرۆکێ حکومەتا هەرێما کوردستانێ ل گەل فەرماندێ گشتیێ هێزێن ههڤپەیمانان ل عێراقێ و سووریێ کۆمبوون و چەند پرسهك گۆتوبێژكرن.
مەسرور بارزانی، سەرۆکێ حکومەتا هەرێما کوردستانێ، ئهڤرۆ ئێكشهمبى 17-10-2021 پێشوازی ل جەنەرال جۆن برێنن فەرماندێ گشتیێ هێزێن ههڤپەیمانان ل عێراقێ و سووریێ کر و د دیدارەکێدا، داوى پێشهات و گۆڕانکاریێن عێراقێ و سووریێ و چەند پرسهکێن جهێ گرنگیدانا ههڤپشك،هاتنه گۆتوبێژكرن.
فەرماندێ گشتیێ هێزێن ههڤپەیمانان ل عێراقێ و سووریێ ئاماژه دا ب بەردەوامبوونا پشتهڤانییا ههڤپەیمانان ل هێزێن پێشمەرگەی د شەڕێ دژى تیرۆریستێن داعشێ، دووپات ژى کرهڤه کو داعش، هێشتا هەڕەشەیەکا ڕاستەقینەیە ل عێراق و سووریێ.
ژلایێ خوه ڤه سەرۆکێ حکومەتا هەرێما کوردستانێ، سوپاسییا ههڤکارییا ههڤپەیمانان کر و جەخت ل گرنگییا هەماهەنگییا دناڤبهرا پێشمەرگە و سوپایێ عێراقێ دا كرهڤه ب تایبەتی ل دهڤهرێن کوردستانیێن دهرڤهى هەرێمێ، بۆ رووبڕوونا مەترسیێن تیرۆرێ ل وێ دهڤهرێدا.
گوتی ژى: “سەقامگیربوونا رهوشا عێراقێ، کاریگەرییا ئەرێنی بیت ل سەر ئاسایش و سەقامگیرییا دهڤهرێ ب گشتی.
