وه‌زیرێ كاره‌بێ: ده‌مژمێرێن كاره‌بێ دێ زێده‌بن

كمال محمد صالح وه‌زیرێ كاره‌بێ یێ حكومه‌تا هه‌رێما كوردستانێ ئه‌ڤرۆ سپێدێ ژ ئالیێ ماجد سه‌ید صالح وشمعون شلیمون جێگرێن پارێزگارێ دهۆكێ ل كوچكا پارێزگه‌ها دهۆكێ پێشوازى لێ هاته‌ كرن.

وه‌زیرێ كاره‌بێ دگه‌ل رێڤه‌به‌رێن په‌یوه‌ندیدار ره‌وشا كاره‌بێ ل پارێزگه‌هێ و پلانێن وه‌زاره‌تێ بۆ زێده‌كرنا رێژا گشتى یا كاره‌بێ و ژێده‌رێن به‌رهه‌مئینانا ووزا كاره‌بێ و به‌رنامێ دانانا پێڤه‌رێن زیره‌ك بۆ باشتر رێكخستنا كاره‌بێ هاته‌ گۆتۆبێژكرن.

كمال محمد، وه‌زیرێ كاره‌بێ دكۆمبوونێدا راگه‌هاند: ل دووڤ به‌رنامێ كابینا نه‌هێ یا حكومه‌تا هه‌رێمێ گرنگییه‌كا تایبه‌ت ب دابینكرنا ووزا كاره‌بێ هاتیه‌ دانان و نوكه‌ كار ل سه‌ر چه‌ندین پرۆژێن ستراتیجى یێن به‌رهه‌مئینانا كاره‌بێ دهێته‌ كرن و هنده‌ك ل دوماهیا ئه‌ڤ ساله‌ دێ كه‌ڤنه‌ دخزمه‌تێ دا، ره‌وشا كاره‌بێ و ده‌مژمێرێن وێ دێ هێنه‌ زێده‌كرن.

وه‌زیرێ كاره‌بێ دیاركر: نوكه‌ شه‌ش ژێده‌ر هه‌نه‌ بۆ به‌رهه‌مئینانا كاره‌با گشتى و خواست وه‌لاتی ئابوورێ دكاره‌بێدا بكه‌ن دا پتر مفا ژێ بهێته‌ وه‌رگرتن.