ئێک ژ وانەبێژێن کو بایکۆتا دەواما قۆتابخانەیان کری بۆ ئاژانسا خانی راگەهاند، وانەبێژێن زێدەتر ژ 50 قۆتابخانەیێن ل سنورێ پەروەردا ئاکرێ بایکۆتا دەواما قۆتابخانەیان کرییە و ناچنە د هولێن خواندنێڤە ههتا کو داخوازیێن وان بجهـ بهێن.
ئهو چهند ژی دیار کر، کو ب وان هاتیە گۆتن هەر وانەبێژەک دێ کۆژمەکێ پارەیی مەهانە وەرگریت دووڤ ڤی سیستەمی کو یێ باوەرناما بەکالوریۆسێ هەبیت دێ مەهانە 450 هزار دیناران دەنێ و وانەبێژێن کو باوەرناما دبلۆم هەبیت دێ 350 هزار دیناران وەرگرن و د بەرامبەردا ئەو وەکی وانەبێژ دخوازن بۆ وان ل سەر ڤی پارەیی گرێبەستان دروست بکەن ژبەرکو ب ڤی شیوەی قەتعی دێ ڤی پارەی وەرگرن، لێ ئەو داخواز دکەن گرێبەست بۆ وان بهێنە دروستکرن.
