رێڤه‌به‌رێ پشكا پالپشتییا ساخله‌می ل وه‌زاره‌تا ساخله‌میا عیراقی راگه‌هاند: تا نوكه پێلا چارێ یا ڤایرۆسێ كۆرۆنایێ نه‌گه‌هشتییه عیراقێ، به‌لێ مه‌ترسییا گه‌هشتنا وێ هه‌یه.
هەیسەم ئەلعوبەیدی، ئاماژه ب هندێ ژى كر، ئه‌گه‌ر رێكخراوا ساخله‌مییا جیهانی رێكێ ب عیراقێ بده‌ت قۆرچا سیێ بده‌نه وه‌لاتیان، چ رێگرى ژ وه‌زاره‌تا ساخله‌میێ نابیت بۆ پێدانا قۆرچا سیێ.
وى به‌رپرسى وه‌زاره‌تا ساخله‌میێ گوتژى، ره‌وشا ڤایرۆسێ كۆرۆنایێ ل ئیراقێ باشه، چونكه هژمارا تووشبوو و مرنێ كێم بوویه.
هەیسەم ئەلعوبەیدی دیاركرژى، وه‌لاتێ وان ژبۆ وه‌رگرتنا ڤاكسینى گیروبوویه، چونكى ل ده‌ستپێكێ چه‌ندین ده‌نگویێن خراب لدور ڤاكسینى هاتنه به‌لاڤكرن، و تیمێن ساخله‌میێ نه‌شیانه ب ره‌نگه‌كێ باش وه‌لاتیان بۆ وه‌رگرتنا ڤاكسینى رازى بكه‌ن.
