پنتاگۆن: سه‌ركرده‌كێ قاعیده‌ هاته‌ كوشتن

وه‌زاره‌تا به‌رگرییا ئه‌مریكا راگه‌هاندییه‌ كو ئه‌وان د هێرشه‌كێدا ل سووریا سه‌ركرده‌كێ بلندێ رێكخراوا قاعیده‌ كوشتییه‌.

په‌یڤدارێ فه‌رمانده‌یا ناڤه‌ندی یا هێزێن ئه‌مریكا د راگه‌هاندنه‌كێدا دیاركرییه‌: عه‌بدولحه‌مید مه‌تار، سه‌ركردێ دیارێ رێكخراوا داعش ب هێرشه‌كا ئاسمانی هاته‌ كوشتن.

هێرشا ئاسمانییا ئه‌مریكا پشتی دو رۆژان ب هێرشه‌كێ دهێت كو لسه‌ر بنگه‌هه‌كێ سه‌ربازیێ ئه‌مریكا ل باشۆرێ سووریا هاتبوو كرن.

جۆن سیسگبی گوت ژی: ژناڤبرنا ئه‌وی تیرۆرستی دێ شیانێن رێكخراوا تیرۆرستی لاواز كه‌ت بۆ ئه‌نجامدانا هێرشێن تیرۆرستی.

د مه‌ها ئه‌یلوولێ دا، پێنتاگۆنێ كوشتنا سه‌ركرده‌كێ قاعیدێ بناڤێ سه‌لیم ئه‌بو ئه‌حمه‌دی راگه‌هاند، كو به‌رپرس بوو ژ پلاندانان و دابینكرنا پاره‌ی و هێرشێن قاعیده‌ ل ده‌ڤه‌رێ، سه‌باره‌ت دوماهی هێرشا ئه‌مریكا پێنتاگۆنێ راگه‌هاندییه‌؛ هێشتا قاعیده‌ مه‌ترسییه‌ بۆ سه‌ر ئه‌مریكا و هه‌ڤپه‌یمانێن وێ، قاعیده‌ وه‌لاتێ سووریا وه‌ك په‌ناگه‌هـ بكاردئینیت داكو خوه‌ رێكبێخیت و پیلانان بۆ هێرشێن زێده‌تر بدانیت