چار سال ب سه‌ر داستانا سحێلا ده‌ربازبوون

د رۆژه‌كا وه‌كی ئه‌ڤرۆ دا به‌ری چار سالان، پێشمه‌رگێ كوردستانێ داستانا سحێلا تۆماركر و ب درێژاهییا رۆژێ به‌رسڤا هێرشێن میلیشیایێن ئیراقێ و هێزێن ئیراقێ ددان كو ب پشته‌ڤانی و هاریكارییا ئه‌فسه‌ر و پله‌دارێن وه‌لاتێن دی نیازا ژناڤبرنا هه‌رێما كوردستانێ هه‌بوو و بۆ وێ مه‌ره‌مێ هێرش بۆ سه‌ر ئاخا كوردستانێ ده‌ستپێكر.

سه‌رۆك بارزانی سه‌باره‌ت داستانا مه‌حمودیێ و سحێلا د په‌رتوكا (بۆ مێژوو)دا ئاماژه‌ ب وێ چه‌ندێ كر؛ ل 26ی ئوكتوبه‌را 2017ێ ل به‌ره‌یێ مه‌حمودییێ و سحێلا هێزێن ئیراقێ و حه‌شدێ و هاریكاریا هێزێن ئیرانی و حزبۆللا یا لوبنانێ و ب فه‌رمانده‌یا ئه‌فسه‌ره‌كێ سۆپایێ پاسدارێن ئیرانێ بناڤێ سه‌ید موختار كو ئه‌و ئه‌فسه‌رێ ناڤبری ژی د شه‌ری دا بریندار ببوو، هێرش كره‌ سه‌ر سه‌نگه‌رێن پێشمه‌رگه‌ی و د ئه‌نجامدا ئه‌وان میلیشیا و هێزان شكه‌ستنه‌كا مه‌زن به‌رامبه‌ر پێشمه‌رگه‌ی ئینا.