جڤاتا وه‌زیران دێ لدۆر گرانبوونا بهایێ سۆته‌مه‌نییان كۆمبیت

فه‌رمانگه‌ها میدیا و زانیاری یا حكومه‌تا هه‌رێما كوردستانێ راگه‌هاند؛ گرانبوونا بهایێ سۆته‌مه‌نیان ئێك ژ بابه‌تێن كۆمبوونا ئه‌ڤرۆ یا جڤاتا وه‌زیرانه‌.

ئه‌ڤرۆ ب سه‌رۆكاتیا مه‌سرور بارزانی، سه‌رۆكێ حكومه‌تا هه‌رێما كوردستانێ، جڤاتا وه‌زیران دێ كۆمبیت و سێ بابه‌تێن سه‌ره‌كی دێ هێنه‌ گوتوبێژكرن.

پرۆژێن وه‌زاره‌تا كاره‌بێ و نیشاندانا راپۆرتا رێكخستنا كاره‌با نشتیمانی ئێك ژ ته‌وه‌رێن كۆمبوونا جڤاتا وه‌زیرانه‌.

نیشاندانا راپۆرتا وه‌زاره‌تا ساخله‌مییێ و داوی ئامارێن توشبوون ب كۆرۆنایێ و رێژه‌یا وه‌رگرتنا ڤاكسینی ب تایبه‌ت بۆ مامۆستا و فه‌رمانبه‌ران ته‌وه‌رێ دوێ یێ كۆمبوونێ یه‌.

بابه‌تێ سیێ یێ كۆمبوونێ دێ لدۆر گرانبوونا بهایێ سۆته‌مه‌نییان بیت ل هه‌رێما كوردستانێ.