د پانهلهكیدا ل رۆژا دووێ یا دیدارا میرى كو ل باژێرێ ههولێرێ ب رێڤهدچیت، راوێژگارهكێ وهزیرێ دهرڤهیێ ئیرانێ و بالیۆزێ توركیا ل عیراقێ گۆتوبێژكرن، تێدا بهحسێ رهوشا دهڤهرێ و پهیوهندیێن ههرێما كوردستانێ و عیراقێ كرن
عەلی رەزا گونەی، باڵیۆزێ توركیا ل عێراقێ ل دهستپێكا ئاخفتنێن خوه دا بهحسێ پهیوهندیێن دناڤبهرا توركیا و ههرێما كوردستانێ كرن، كو ههرێما كوردستانێ پێكهاتهكێ گرنگه و ههموو سنوورێن وان دگهل ههرێما كوردستانێ نه و سنوور دگهل حكومهتا فیدرالا عیراقێ دا نینه، ئاماژه ژى دا، كو ئهو ههرێما كوردستانێ وهكو پێكهاتهكێ جودا ژ عیراقا فیدرال د دانن.
راوێژگارێ وهزیرێ دهرڤهیێ ئیرانێ ئاماژه دا، كو وهلاتێ وى زۆر رێزێ ل عیراقێ دگریت و دهربارهیى ئهنجامێن ههلبژارتنێن پێشوهختێن عیراقێ گۆتى: هندهك كهس دبێژن ئیرانیان یان توركان شكهستن د ههلبژارتنێن عیراقێ دا ئینا، وهسا هزردكهم ئهڤ كێمكرنه دشیانیێن عیراقێ دا زۆر یا خهلهته، سهركهفتن و سهقامگیریا عیراقێ یا گرنگه، ئهگهر مه ههلویستێن جودا ژى ههبن، ههموو ئیرانى رێزێ ل عیراقێ دگرن و ههر ئهنجامهكێ ههلبژارتنان دڤێت عیراقى بخوه بزانن چهوا دێ ل سهر ئاخڤن.
