به‌رگرییا توركیا: 4 چه‌كدارێن په‌كه‌كێ هاتنه‌ كوشتن

وه‌زاره‌تا به‌رگریا توركیا د راگه‌هاندنه‌كێدا كوشتنا 4 چه‌كدارێن په‌كه‌كێ ب هێرشه‌كا ئاسمانی راگه‌هاند.

وه‌زاره‌تا به‌رگریا توركیا د هه‌ژمارا خوه‌ یا تویته‌ری دا راگه‌هاندیه‌؛ ئۆپه‌راسیونێن توركیا ل هه‌رێما كوردستانێ دژی په‌كه‌كێ د به‌رده‌وامن و 4 چه‌كدارێن هه‌په‌گێ-په‌كه‌كه‌ كوشتینه‌.

سه‌باره‌ت هێرشێن دو رۆژێن بووری هه‌په‌گێ راگه‌هاندییه‌ كو له‌شكه‌رێ توركیا ل ده‌ڤه‌را ئاڤا شین هێرش كرییه‌ سه‌ر وان لێ وان به‌رسڤا له‌شكه‌رێ توركیا دایه‌ و زیان گه‌هاندینێ.