مه‌سرور بارزانی سه‌ره‌خۆشی ل‌ بنه‌مالا تێكۆشه‌رێ ناسیارێ زاخۆ عه‌ریف ده‌روێشی كر

مه‌سرور بارزانی، سەرۆکێ حکومەتا هەرێما کوردستانێ سەرەخۆشی ل بنەمالا پێشمەرگەیێ تێکۆشەر و کەسایەتیێ ناسیارێ باژێرێ زاخۆ عەریف دەروێش سندی كر.
ئه‌ڤرۆ شەمبیێ 30 ی ئۆکتۆبەرا 2021 مەسرور بارزانی، سه‌رۆکێ حکومەتا هه‌رێما کوردستانێ، د‌ په‌یوه‌ندییه‌کا ته‌له‌فۆنیدا، سەرەخۆشی ل‌ بنەمالا پێشمەرگەیێ هەردو شۆره‌شا ئیلۆن و گولانێ و هەلگرێ مه‌دالییا بارزانیێ نەمر و کەسایەتییێ ناسیارێ زاخۆ، عەریف دەروێش سندی کر.
سه‌رۆکێ حکومەتێ، هه‌ڤخه‌مییا خوه‌ ب بنەمالا ئەو پێشمەرگەیێ خەباتکار و نیشتمانپەروەر گەهاند و هیڤی خواست، خودایێ مه‌زن، گیانێ خودێ ژێ رازی، ب‌ بهەشتێ شاد بکه‌ت و ئارامییێ بده‌ته کەسوکار و بنەمال و هەڤالێن وی.
د بەرامبەر دا، بنەمالا عەریف دەروێش سندی، سوپاس وپێزانینێن خوه‌ بۆ په‌یوه‌ندی و هه‌ڤخه‌مییا سەرۆکێ حکومەتێ دەربری.
عه‌ریف ده‌روێش سندی، كه‌سایه‌تییێ ناسیارێ زاخۆ و پێشمه‌رگه‌یێ هه‌ردو شۆره‌شێن ئیلۆن و گوڵانێ و هه‌لگرێ مه‌دالیا بارزانی، ل سپێده‌هییا ئه‌ڤرۆ د‌ رێوره‌سمه‌كێدا ل‌ زاخۆ هاته‌ ڤه‌شارتن.